Leh hmư̆ klei hưn lehanăn klei blŭ mơ̆ng phung bi ala êpul êya, Khua gĭt gai Đảng bi êdah klei mơak hlăk êpul êya mnuih Việt hgŭm mguôp, kriê kjăp knhuah dhar kreh, hluê ngă kjăp hdră bhiăn, ñŭ kma hŏng mnuih ƀuôn sang Lao lehanăn jing kdrông mkŏ klei bi mjĕ mjuk yuôm bhăn plah wah dua ala čar.

Năng mpŭ hĭn, dŭm gŏ sang Việt Nam mđing nanao kơ ƀuôn sang, kơ ala čar, mđing kơ hdră bi hriăm phung hđeh thâo kriê pioh klei blŭ djuê ana, mtô kơ hƀuê ênuk lehanăn dhar kreh djuê ana. Mñă klă mnuih ƀuôn sang drei ti ala tač êngao jing sa kdrêč amâo dưi kƀah ôh mơ̆ng djuê ana, Khua gĭt gai Đảng mñă klă, Đảng lehanăn Knŭk kna srăng lŏ dơ̆ng bi leh hdră mtrŭn đru kơ mnuih ƀuôn sang dôk hdĭp ti ala tač êngao hlăm hdră hriăm, tui ksiêm, mphŭn čô̆ kơ bruă, mtô klei blŭ djuê ana, mtrŭt mđĭ hdră dhar kreh, hdră hŏng tač êngao hlăm mnuih ƀuôn sang, mơ̆ng anăn mđĭ klei bi hgŭm mguôp êpul êya dôk hdĭp ti ala tač êngao hŏng Ala čar./.