Mơ̆ng leh bruă anei mâo ngă mơ̆ng hrue 1/7/2024 truh kơ ară anei, kluôm ala mâo mkŏ mjing leh êbeh 86 êbâo êpul răng mgang klei êđăp ênang hlăm yang ƀuôn, hŏng êbeh  276 êbâo čô ƀĭng hgŭm. Êpul anei mâo đru mkăp hưn leh hŏng kahan ksiêm ƀuôn hgŭm truh 141 êbâo mta klei, đru mghaih msir truh 90 êbâo mta klei, đru leh kjăp kơ bruă răng mgang klei êđăp ênang yang ƀuôn.

Ti anôk bi tuôm, Khua gĭt gai Đảng bi myuôm dŭm boh tŭ dưn năng mđĭ ai leh mâo, lehanăn đru bi klam djăp mta klei dleh dlan mơ̆ng êpul ngă bruă nah gŭ. Khua gĭt gai Đảng mñă Đảng, Knŭk kna srăng lŏ dơ̆ng bi leh bruă mkŏ mjing êpul êya anei, kñăm mjing sa êpul kjăp kơ bruă răng mgang klei êđăp ênang. Hlăm wưng tinăp, Khua gĭt gai Đảng mtă kơ dŭm phŭn dhar bruă, alŭ wăl mđĭ hĭn bruă hâo hưn, mjing klei bi sa ai hlăm yang ƀuôn, bi đru kơ êpul čiăng mđĭ kyar kjăp./.