Hlăm klei blŭ hrăm, dua čô khua gĭt gai hưn mdah kơ boh sĭt grăp lăn čar, klei mjĕ giăm Việt Nam – Dưr Korea leh anăn dŭm boh klei tar rŏng lăn, alŭ wăl dôk bi mđing. Dua tĭng bi tŭ ư mđĭ hĭn klei bi trông êpul gưl dlông leh anăn dŭm gưl hlăm dŭm mbah bruă Đảng, knŭk kna, Bruă Kƀĭn Ala, bi mguôp dŭm alŭ wăl čiăng mđĭ hĭn klei hriăm, bi kjăp klei đăo knang bruă kđi čar leh anăn bi thâo săng hdơ̆ng pô, rơ̆ng kơ dŭm hdră blŭ hrăm, bi mguop, ksiêm duah klei bi mguôp hlăm dŭm mta bruă găl guôp, mtrŭt mđĭ klei mjĕ êrô mnuih ƀuôn sang, hyuă kjăp klei bi hgŭm dua ala čar.

Khua gĭt gai Dưr Korea Kim Jong Un mñă klă Dưr Korea hmăng hmưi bi mguôp hŏng Việt Nam hlăm bruă mkŏ mjing Đảng leh anăn mđĭ kyar lăn čar, mprăp bi mguôp hlăm lu mta bruă găl guôp. Dua čô khua gĭt gai bi trong kơ boh sĭt hlăm alŭ wăl leh anăn tar rŏng lăn, tŭ dưn mđĭ hĭn klei bi mguôp, sa ai hdơ̆ng pô hlăm dŭm klei kƀĭn lu tĭng msĕ si Êpul hgŭm lu ala čar, klei kƀĭn ASEAn.