Hlăm klei blŭ hrăm, Khua gĭt gai Đảng Tô Lâm đăo knang ti gŭ klei gĭt gai mơ̆ng Khua Knŭk kna Keir Starmer, Angle srăng lŏ dơ̆ng đĭ kyar ktang, đru mguôp hlăm klei êđăp ênang, bi mguôp leh anăn đĭ kyar hơĭt kjăp. Dua čô khua gĭt gai bi tŭ ư mdưm mta kñăm mđĭ hnơ̆ng klei mnia mblei dua tĭng đĭ dua blư̆ hlăm wưng kơ anăp.

Khua Knŭk kna Angle hmăng hmưi Việt Nam sa ai hŏng dŭm klei bi mguôp mnia mblei online, bruă ngăn prăk hlăm klei kuôl kă ƀĭng hgŭm kluôm leh anăn đĭ kyar hluh Pacific (CPTPP). Bi ruĕ klei blŭ hrăm, dua čô khua gĭt gai mâo klei bi klă mbĭt kơ bruă dua tĭng mđĭ hnơ̆ng klei bi hgŭm Việt Nam - Angle jing ƀĭng hgŭm kluôm dhuôm.