Hlăm mmông drông, Khua gĭt gai Đảng Tô Lâm mñă ktang Việt Nam srăng hrăm mbĭt hŏng Cuba lŏ dơ̆ng hyuă kjăp klei mjĕ giăm, bi mguôp, siă suôr plah wah Đảng, knŭk kna leh anăn mnuih ƀuôn sang dua lăn čar. Khua gĭt gai Đảng Tô Lâm mñă kơ Bruă Kƀĭn Ala Cuba lŏ dơ̆ng mđing đru kơ klei bi mguôp, bruă duh mkra mnia mblei, mkŏ mjing klei găl kơ dŭm hdră bi mguôp bruă lŏ hma, pui kmlă doh, kdrăp sinh học, êa drao gŭn, đru kơ klei mđĭ kyar mơ̆ng dua lăn čar.

Mbĭt anăn, mñă kơ dua tĭng bi mguôp kah mbha klei hlăk mblang leh anăn klei hriăm boh sĭt, boh nik hlăm wưng Việt Nam mkŏ mjing Klei kƀĭn kluôm bruă Đảng kluôm ala tal 14 leh anăn Cuba mkŏ mjing klei kƀĭn kluôm bruă Đảng tal 9 hlăm thŭn 2026.