Khua gĭt gai Đảng bi mni kơ klei đru mguôp  klă sĭt leh anăn tŭ dưn mơ̆ng Êpul grup PE ăt msĕ mơh Nate Franklin hŏng klei đĭ kyar Việt Nam hlăm bruă mkra mjing pui kmlă leh anăn klei bi hgŭm Việt Nam – Mi. Khua gĭt gai Đảng bi mklă Mi jing sa hlăm dŭm ƀĭng hgŭm yuôm bhăn mrô sa mơ̆ng Việt Nam, jar klei bi hgŭm Ƀĭng hgŭm kluôm Việt Nam - Mi dôk mjing anôk leh anăn klei găl mrâo kơ dŭm anôk bruă duh mkra Mi bi liê, mnia blei ti Việt Nam.

Khua gĭt gai Đảng kah mbha hnơ̆ng trah dlăng, klei gĭr mơ̆ng Đảng, Knŭk kna leh anăn mnuih ƀuôn sang Việt Nam kñăm ngă hdră kñăm mđĭ kyar, jing ala čar dôk đĭ kyar, mâo bruă tuh tia mkra mjing mrâo mrang, prăk hrui wĭt lu hlăm thŭn 2030, leh anăn ala čar đĭ kyar, prăk hrui wĭt lu hlăm thŭn 2045; mñă klă Đảng leh anăn Knŭk kna Việt Nam srăng lŏ dơ̆ng mjing klei găl, hlăm anăn mâo klei mkra mlih klei bhiăn kơ phung bi liê hlăm ala čar leh anăn ala tač êngao mnia blei tŭ dưn ti Việt Nam. Việt Nam srăng lŏ dơ̆ng ƀuăn rơ̆ng hŏng klei kñăm djah djâo ti hnơ̆ng “0” hlăm thŭn 2050. Khua gĭt gai Đảng mtă kơ Êpul Grup PE lŏ dơ̆ng pŏk mlar klei bi hgŭm, duh bi liê mnia blei ti Việt Nam, hlăm anăn mâo dŭm hdră bruă bi mlih êa pui êwa čuh mrâo…