Mkŏ mjing mơ̆ng hruê  9/3 truh kơ hruê 13/3, knăm mơak jak iêu leh hlăm brô  250.000 čô tuê hriê čhưn ti Dak Lak, hlăm anăn mâo 1.800 čô tuê ala tač êngao. 17 hdră klă klơ̆ng ti knăm mơak lui leh lu gru kruăk hlăm ai tiê mnuih ƀuôn sang. Lu mta phŭn dưi mlih mrâo, hưn mdah klă kơ boh phŭn “Ƀuôn Ama Thuôt – Anôk truh mơ̆ng kphê tar rŏng lăn” ba mtruh leh asăp hưn mthâo: Lŏ čuê, Anôk truh, ñŭ kma mơ̆ng kphê Việt Nam.

Ti knăm anei, gưl tal êlâo, khua êpul bruă kphê tar rŏng lăn mâo klei blŭ hrăm kruăl knhuang nao yuôm bhăn hlăm bruă mđĭ kơhưm kphê mơ̆ng Việt Nam hlăm hră kak lăn tar rŏng lăn. Hlăm dŭm hruê mkŏ mjing knăm mơak, mâo leh lu hdră bi hgŭm bruă mnia mblei jak iêu lu anôk bruă duh mkra blei – ba čhĭ kphê hlăm ala čar lehanăn ala tač êngao nao hgŭm. Mbĭt anăn, mâo dŭm hdră dhar kreh jăk siam. Anôk bruă sang čư̆ êa čar Dak Lak tĭng dlăng: Knăm mơak kphê tal 9 mjưh ruê̆ leh jăk siam, mđing truh kơ mta kñăm mkŏ mkra “Ƀuôn Ama Thuôt jing anôk truh mơ̆ng kphê tar rŏng lăn”./.