Ƀăng jang knông lăn Đăk Long (să Đăk Long, kdriêk Đăk Glei, čar Kon Tum) -Văng Tắt (čar Attapư) ară anei knŏng mkăp kơ klei êrô êbat, nao čuă găp djuê, bi mnia mblei mnơ̆ng dhơ̆ng plah wah dua ala čar siă krĭng knông kyua anăn bi hrŏ klei pŏk mlar hdră bi mjĕ hgŭm bruă plah wah ala čar Việt Nam lehanăn dŭm alŭ wăl mơ̆ng Lao.

Ti knăm anei, phung khua čar Kon Tum lehanăn čar Atapư lač, bruă mkra mđĭ ƀăng jang knông lăn Đắk Long-Văng Tắt jing ƀăng jang knông lăn phŭn jing klei čiăng êdi, mjing klei găl kơ hdră mŭt kbiă, mnia mblei; mtrŭt mđĭ hdră bi hgŭm duh bi liê, mnia mblei, bruă nah tluôn, hiu čhưn ênguê, djŏ guôp hŏng klei čiăng mđĭ kyar bruă duh mkra kluôm mơ̆ng krĭng wăl, mjing ktuê êlan hdră duh mkra plah wah Dhŭng Lao hŏng dŭm čar ktuê hang ksĭ kwar Krah, Lăn dap kngư… Ti knăm anei, phung khua čar Kon Tum lehanăn čar Atapư bi trông, bi siñê leh hră mơar mă bruă kơ hdră mkra mđĭ ƀăng jang knông lăn Đắk Long-Văng Tắt jing ƀăng jang knông lăn phŭn./.