Khua phŭn bruă kiă kriê bruă knuă Phạm Thị Thanh Trà brei thâo, hrue mbrue 14/3, Phŭn bruă kđi čar kiă kriê leh klei bi kƀĭn hlue ngă bruă dăp wĭt êpul êya ngă bruă dŭm gưl, lehanăn mkŏ mjing bruă sang čư̆ êa alŭ wăl knŏng dua gưl, hlăm anăn mâo klei bi mŭt dŭm čar, lui gưl kdriêk, bi mŭt lu să. Leh kơ anăn, bruă Đảng anôk bruă knŭk kna srăng mkŏ mjing bruă êmuh klei mĭn dŭm alŭ wăl, lehanăn mơĭt kơ dŭm phŭn dhar bruă čiăng mă klei blŭ.

Đăo tĭng năng ai hlăm krah mlan 4/2025, Êpul khua kiă kriê mâo klei hâo mdah kơ gưl dlông, kơ bruă lŏ mkŏ wĭt êpul ngă bruă hlăm gưl să, Khua phŭn bruă kiă kriê bruă knuă lač, ară anei gưl sa mâo 10.035 anôk bruă tĭng srăng bi mŭt adôk mă hlăm brô 2.000. bruă anei dôk hlăm klei dưi mơ̆ng dhar bruă gĭt gai bruă kƀĭn ala, năng ai hlŏng ngă mtam leh klei bi kƀĭn êpul khua kiă kriê gưl dlông. Leh klei lŏ bi mlih hdră bhiăn phŭn kơ bruă mkŏ mjing bruă sang čư̆ êa alŭ wăl mbĭt hŏng dŭm klei bhiăn djŏ tuôm mkăn, Khua phŭn bruă brei thâo, srăng brei mdei jih bruă ngă mơ̆ng bruă sang čư̆ êa gưl kdriêk./.