Mă bruă hŏng Anôk kriê dlăng bruă Đảng čar Vĩnh Phúc, Khua knŭk kna mtă kơ dŭm alŭ wăl brei čih mkra hdră bruă, hdră kčah rơ̆ng mta kñăm đĭ kyar êbeh 8% hlăm thŭn 2025 lehanăn đĭ kyar 2 mrô hlăm dŭm thŭn ti anăp; pral bi hrŏ ƀiă êdi 30% klei ngă hră mơar ară anei, mjing klei găl kơ mnuih ƀuôn sang, anôk bruă duh mkra ngă bruă; mtrŭt mđĭ pral hĭn bruă mđĭ kyar sang dôk ala ƀuôn; ba yua jih klei găl mâo kơ hdră mđĭ kyar anôk bruă nah gŭ.

Ăt hlăm hruê 16/3, Khua knŭk kna Phạm Minh Chính nao leh ti Knăm mphŭn rŭ mdơ̆ng sang dôk yang ƀuôn hŏng êbeh 5.300 boh sang, ênoh duh êbeh 7 êbâo êklai prăk. Ăt hlăm hruê, Khua knŭk kna nao leh ti knăm mphŭn mtrŭt mjhar hdră bi ktưn mkŏ mkra êlan klei pui 500 Kv Lào Cai - Vĩnh Yên, giăm 230km, hŏng ênoh duh êbeh 7.410 êklai prăk./.