Klei bi kƀĭn mâo êbeh 1000 čô bi ala jing phung khua gĭt gai, phung thơ̆ng kơ bruă kdrăp mrâo mơ̆ng lu êpul grup dlông rŏng lăn, hŏng lu anôk bruă duh mkra mơ̆ng dŭm ala čar Mi, China, Dhŭng Korea, Japon, India, Prăng, Alêmăng, Poland… leh anăn Việt Nam kñăm bi trông kơ hdră tă mđĭ kyar, klei găl leh anăn klei lông dlăng bruă mkra mjing mta bán dẫn leh anăn klei thâo anak mnuih (AI) kluôm rŏng lăn, kčĕ hdră tă mđĭ kyar dŭm bruă kdrăp mrâo anei kơ Việt Nam.

Mơ̆ng klei bi kƀĭn anei, Việt Nam mđing kơ kơhưm mrâo hlăm dlông rŏng lăn, pŏk klei găl bi hgŭm, mjing tur kjăp kơ hdră mlih mrô, păn kjăp leh anăn ngă khua kdrăp mrâo, hlue ngă hdră kñăm mđĭ kyar pral leh anăn hơĭt kjăp hlăm wưng mrâo. Anei jing bruă yuôm bhăn čiăng kơ phung kreh knhâo, ƀĭng hgŭm ala tač êngao bi hgŭm hŏng dŭm ƀĭng hgŭm Việt Nam mjing ênuk mrâo kơ bruă duh mkra mrô Việt Nam.