Ti knăm anei, Khua gĭt gai Đảng Tô Lâm mñă, Đảng lehanăn Knŭk kna Việt Nam bi mtuôm kơ bruă mđĭ kyar klei bi mjĕ hŏng Angle, čang hmăng dua tĭng mđĭ lar dŭm boh tŭ bi hgŭm dưi mâo, lŏ dơ̆ng mtrŭt mđĭ kyar klei bi mjĕ dua nah jăk siam, kñăm ba klei bi mjĕ hgŭm bruă plah wah dua ala čar truh ti hnơ̆ng mâo kyua boh tŭ dưn mơ̆ng mnuih ƀuôn sang dua ala čar lehanăn mta kñăm mđĭ kyar mơ̆ng grăp ala čar, đru mguôp kơ klei êđăp ênang, hơĭt kjăp, hgŭm bruă lehanăn đĭ kyar hơĭt kjăp ti krĭng wăl lehanăn tar rŏng lăn.

Hlăm wưng ti anăp, čiăng lŏ dơ̆ng mtrŭt mđĭ hĭn klei bi hgŭm plah wah dua Đảng, Khua gĭt gai Đảng Tô Lâm mtă, brei dua tĭng ksiêm dlăng dŭm hdră bi trông hluê êpul, kah mbha klei hâo hưn kơ boh klei mâo lehanăn klei mĭn mơ̆ng grăp Đảng hŏng dŭm bruă dôk mâo ti krĭng wăl, tar rŏng lăn dôk mđing dlăng./.