Hlăm hdră nao čhưn ti Phần Lan mơ̆ng hruê 20 - 22/10, ti Helsinki, Khua gĭt gai Gưl dlông Đảng Cộng sản Việt Nam Tô Lâm bi tuôm leh hŏng Khua kiă kriê Đảng Cộng sản Phần Lan Tiina Sandberg.Ti knăm anei, Khua gĭt gai Đảng Tô Lâm brei thao: Hlăm gưl čhưn anei, dua tĭng bi tŭ ư mđĭ hĭn Klei bi mjĕ ƀĭng hgŭm phŭn.

Hlăm wưng ti anăp, Khua gĭt gai Đảng Tô Lâm mtă kơ dua Đảng lŏ dơ̆ng mđĭ hĭn hdră bi mjĕ mjuk, mtrŭt mđĭ klei bi mjĕ hgŭm bruă klă sĭt hĭn hluê hŏng hdră bi trông êpul, krơ̆ng kjăp klei bi hgŭm bruă lehanăn bi mguôp ti dŭm anôk bi kƀĭn trông lu tĭng mâo dua Đảng nao hgŭm, hlăm anăn mâo Klei bi kƀĭn dŭm Đảng cộng sản lehanăn mnuih mă bruă ala tač êngao; mđĭ lar bruă klam mơ̆ng grăp anôk bruă Đảng ăt msĕ mơh Êpul hgŭm bi mjĕ mjuk hlăm bruă bi trông klei hâo hưn, mkŏ mjing dŭm hdră hŏng tač êngao, dhar kreh, mjĕ mjuk mnuih ƀuôn sang kñăm mđĭ hĭn klei bi mguôp lehanăn thâo săng hdơ̆ng găp mơ̆ng dua ala čar; đru kơ êpul êya mnuih Việt Nam – Phần Lan dôk hriăm, mă bruă lehanăn hdĭp ti dua ala car anei./.

-Khua gĭt gai Đảng Tô Lâm lehanăn Khua kiă kriê Đảng Cộng sản Phần Lan