Ti knăm anei, Khua gĭt gai Đảng Tô Lâm bi mni kơ boh tŭ hdră bi trông plah wah Khua phŭn bruă Pete Hegseth lehanăn Khua phŭn bruă lĭng kahan Việt Nam Phan Văn Giang, mñă klă hdră bi hgŭm bruă lĭng kahan mơ̆ng dua ala čar hlăk lehanăn dôk jing sa hlăm dŭm bruă phŭn yuôm bhăn mơ̆ng klei bi mjĕ dua nah.

Khua gĭt gai Đảng čang hmăng dua tĭng lŏ dơ̆ng mtrŭt mđĭ hdră bi hgŭm bruă lĭng kahan dua nah hluê hdră mpŭ kơ klei dưi kiă kriê kluôm dhuôm krĭng lăn, dŭm klei bhiăn bruă hŏng tač êngao lehanăn lĭng kahan mơ̆ng Việt Nam, đru mđĭ hĭn klei đăo knang hlăm hdră êlan phŭn lehanăn rơ̆ng kjăp klei êđăp ênang ti krĭng wăl. Dua tĭng tŭ ư snei, bruă krơ̆ng kjăp hdră bi trông hluê êpul lehanăn klei bi blŭ hrăm mơ̆ng dŭm anôk bruă dua ala čar, boh nik plah wah Phŭn bruă Lĭng kahan Việt Nam lehanăn Phŭn bruă bi blah Mi, mâo boh tŭ yuôm hlăm bruă bi kjăp klei đăo knang lehanăn klei bi mjĕ ƀĭng hgŭm phŭn kluôm dhuôm Việt Nam – Mi, đru rơ̆ng kjăp klei êđăp ênang, hgŭm bruă lehanăn đĭ kyar ti krĭng wăl, tar rŏng lăn./.