Khua gĭt gai Đảng Tô Lâm bi mni kơ boh tŭ Môngol mâo leh hlăm wưng giăm anei, Kơ klei bi hgŭm Việt Nam- Môngol, ñu bi êdah klei mơak kơ klei đĭ kyar hlăm klei bi hgŭm dua nah hlăm 70 thŭn êgao, yap mơ̆ng leh mkŏ mjing klei bi hgŭm; bi mni kơ bruă dua tĭng mkŏ mjing Klei bi kƀĭn 19 Knơ̆ng bruă mlir knŭk kna Việt Nam- Môngôl. Bruă ngă anei jing yuôm bhăn hlăm bruă hlue ngă klei thâo săng mbĭt gưl dlông leh anăn klei hưn mdah mbĭt kơ klei mkŏ bi hgŭm kluôm dua ala čar.

Khua gĭt gai Đảng Tô Lâm mtă mơ̆ng tur knơ̆ng klei bi hgŭm dua nah, dua ala čar brei mđĭ hĭn klei bi hgŭm bruă kđi čar, răng mgang klei êđăp ênang, lĭng kahan, bruă duh mkra - mnia blei, dhar kreh, hiu čhưn ênguê, mjĕ êrô mnuih ƀuôn sang; mđĭ bi hgŭm klă sĭt, tŭ dưn hlăm dŭm bruă djŏ guôp hŏng klei găl, klei mâo grăp ala čar.