Leh hmư̆ phung bi ala mơ̆ng dŭm phŭn dhar bruă, phung bi ala Sang phat kđi yang ƀuôn gưl dlông blŭ hrăm, Khua lăn čar Lương Cường lač, mơ̆ng akŏ wưng klei bi kƀĭn prŏng Đảng 13 truh ară anei, mbĭt hŏng lu klei găl sang phat kđi gưl dlông mâo leh, snăn anôk bruă sang phat kđi tuôm hŏng lu klei dleh dlan mơh, ƀiădah kluôm anôk bruă ăt păn kjăp bruă čuăn, mă bruă hlăm klei thâo bi mguôp jih ai tiê gĭr ktĭr bi leh bruă jao, djŏ hŏng klei bhiăn. Khua lăn čar ăt bi êdah dŭm klei dleh dlan êdu awăt, lehanăn mâo klei mtă kơ sang phat kđi mghaih msir jih jang klei dleh dlan, ngă jăk bruă čuăn hlăm wưng tinăp.

Khua lăn čar đăo knang , hŏng klei thâo bi mguôp, klei thâo gĭrr, sa ai tiê dhar bruă sang phat kđi srăng dưi găn jih klei dleh dlan, bi leh jăk bruă čuăn, mđĭ kyar kluôm dhuôm hĭn hlăm wưng tinăp./.