Ti anôk bi blŭ hrăm, Khua bruă kƀĭn ala Trần Thanh Mẫn čang hmăng hŏng bruă dôk ngă jing khua kiă kriê Đảng Yang ƀuôn ngă bruă, khua knŭk kna  Lawrence Wong srăng kiă kriê Singapore hŏng lu boh tŭ dưn jăk hĭn hlăm bruă mđĭ kyar duh mkra ala ƀuôn, ngă tŭ jing jih jang bruă bi kƀĭn, hŏng gru kruak knal yuôm bhăn "Singapore đĭ nao phă anăp", mơ̆ng anăn k’hưm mơ̆ng Singapore hlăm alŭ wăl lehanăn hŏng tar rŏng lăn đĭ hĭn.

Lŏ wĭt dlăng hlăm 50 thŭn êgao mkŏ mjing klei mjĕ mgiăm hgŭm mbĭt, lehanăn 10 thŭn mkŏ mjing klei bi hgŭm kluôm dhuôm, dua čô khua kiă kriê bi êdah klei mjĕ mgiăm plah wah Việt Nam - Singapore amâo mâo mdei đĭ kyar, mâo leh lu gru kruak knăl hlăm djăp mta bruă, bi đăo knang hlăm bruă kđi čar maoa bi kjăp hŏng klei tŭ jing, dưi bi mjĕ êrô jêñ jêñ gưl khua kiă kriê prŏng, bi tŭ ư hlăm wưng tinăp dua nah lŏ hyuă kjăp hĭn, pral atăt dua ala čar bi hgŭm čhuang hlăm sa knhuang mrâo./.