Khua gĭt gai Đảng Tô Lâm mñă klă Slovakia jing ala čar jĕ giăm hŏng Việt Nam; bi mni lač jăk kơ Knŭk kna leh anăn mnuih ƀuôn sang Slovakia sa ai, bi hgŭm hŏng mnuih ƀuôn sang Việt Nam hlăm 75 thŭn êgao. Khua gĭt gai Đảng Tô Lâm mtă kơ dua tĭng mđĭ ktang hĭn klei bi hgŭm hlăm bruă tuh tia mkra mjing lĭng kahan, mtô phung lĭng kahan, răng kriê klei êđăp ênang…

Khua gĭt gai Đảng Tô Lâm mtă kơ dua tĭng mđĭ lar klei bi trông dŭm gưl; mbĭt anăn mđĭ lar tŭ dưn klei bhiăn đru kčĕ leh anăn bi hgŭm mâo leh kñăm mđĭ klei bi hgŭm dua nah mđĭ kyar klă sĭt, kluôm leh anăn hơĭt kjăp; mbĭt anăn mjing klei găl jăk čiăng kơ dŭm phŭn, dhar bruă leh anăn anôk bruă duh mkra dua ala čar mkŏ, pŏk mlar klei bi hgŭm ba bruă duh mkra leh anăn kreh knhâo kdrăp mrâo jing phŭn hlăm klei nbi hgŭm dua nah, mđĭ ktang hĭn klei bi hgŭm dhar kreh, mtô bi hriăm, hiu čhưn ênguê leh anăn mjĕ êrô mnuih ƀuôn sang.