Khua gĭt gai Đảng Tô Lâm drông leh khua êpul grŭp GE Vernova
Thứ ba, 10:28, 10/03/2026
Pô mblang: Y-Khem Niê
Pô mblang: Y-Khem Niê
VOV.Êđê – Tlam mbrue 09/3, ti Anôk bruă Đảng gưl dlông Khua gĭt gai Đảng Tô Lâm drông leh Scott Strazik, Khua kiă kriê Êpul grŭp GE Vernova mơ̆ng Mi.
Ti anôk drông, khua gĭt gai Đảng Tô Lâm mñă klei yuôm bhăn tal êlâo kơ bruă êa pui hŏng mta kñăm mđĭ kyar pral mơ̆ng Việt Nam, akâo kơ GE Vernova mjing djăp klei găl bi hgŭm kluôm dhuôm hŏng Việt Nam hlăm dŭm bruă nah gŭ, kdrăp mrâo, lehanăn klei dưi ngă bruă hŏng bruă êa pui, jing pô hgŭm yuôm bhăn hŏng Việt Nam hlăm klei hlue ngă hdră mtrŭn mrô 70 mơ̆ng phŭn bruă kđi čar čiăng rơ̆ng dưi mâo djăp êa pui truh thŭn 2030, tă hdră mă bruă truh 2045.
Khua êpul grŭp GE Vernova Strazik mñă, Êpul grŭp mâo nanao ai tiê čiăng mkŏ klei bi mguôp plah wah phung duh mkra lehanăn knŭk kna dua ala čar, srăng mđrăm mbĭt hŏng Việt Nam amâo mâo djŏ knŏng mta kñăm bi mâo djăp êa pui, ƀiădah hlăm dăl hdră êlan mđĭ kyar bruă duh mkra ala ƀuôn ti Việt Nam.
Viết bình luận