Ti anôk drông, Khua gĭt gai Đảng lač, klei mâo lu phung ksiêm hriăm kơ Việt Nam hlăm ala čar lehanăn mơ̆ng ala tač êngao, jing leh sa klei bi knăl yuôm bhăn: Việt Nam amâo mâo djŏ knŏng jing phung ksiêm duah, ƀiădah lŏ jing phung bi hgŭm hlăm klei mĭn, hlăm phung ksiêm hriăm anăn.

Khua gĭt gai Đảng Tô Lâm lač jăk kơ jih jang phung ksiêm hriăm kơ Việt Nam jih ai tiê leh đru Việt Nam hlăm lu thŭn êgao, čăng hmăng kơ phung knhăk anăn, phung ksiêm hriăm lŏ dơ̆ng mđrăm mbĭt, amâo mâo djŏ knŏng ai tiê, ƀiădah hŏng klei kreh knhâo, đru bi hlak mblang klă ênŭm, čiăng dưi mă bruă. Mbĭt anăn, khua gĭt gai Đảng čang hmăng, lehanăn čuăn ruah dŭm hdră pioh kơ klei ksiêm duah kơ Việt Nam srăng djŏ tuôm hŏng djăp mta klei dôk găn hlăk mjêč ară anei.

Hŏng klei êpa mhao prŏng, mbĭt hŏng dŭm klei čiăng dôk kƀah, tui duah klei ksiêm hriăm, mđing hmư̆, khua gĭt gai Đảng Tô Lâm mñă Việt Nam dlăng yuôm nanao klei bi blŭ hrăm, klei bi hgŭm mbĭt, mpŭ kơ klei bhiăn ala tač êngao, tui tiŏ hdră êlan lu tĭng hlăm klei tŭ dưn, mtăp mđơr čiăng mjing sa ala čar Việt Nam mâo klei êngiê, čŏng pô, mlih mrâo hŏng klei knhêč, đĭ kyar pral, lehanăn kjăp hlăm ênuk mrâo mrang./.