Aguah 14/4 ti Anôk bruă Đảng gưl dlông, Khua gĭt gai Đảng Tô Lâm, Khua Anôk bruă gĭt gai Klei bi kƀĭn tal 3 Anôk bruă gĭt gai gưl dlông kơ klei ksiêm wĭt Hdră mtrŭn 18 hruê 25/10/2017 mơ̆ng Anôk dlăng bruă Đảng gưl dlông gưl 12 kơ dŭm bruă mlih mrâo, mkŏ dăp mkŏ mjing êpul mă bruă mơ̆ng bruă kđi čar khuăt, ngă bruă tŭ dưn čiăng bi trông, bi mklă hdră kčah mơ̆ng Anôk bruă gĭt gai kơ klei mkŏ dăp, bi mŭt anôk bruă knŭk kna gưl čar, gưl să leh anăn mkŏ mjing bruă kđi čar 2 gưl ti alŭ wăl.

Khua gĭt gai Đảng Tô Lâm bi mklă truh wưng anei klei mă bruă bi khuăt êpul bruă kđi čar mâo lu mnuih ƀuôn sang dŭm gưl leh anăn êpul êya ala tač êngao bi mni leh anăn anei jing klei thâo yuôm bhăn čiăng drei pŏk ngă êlam hĭn bruă anei hlue si ai tiê Klei bi kƀĭn gưl dlông tal 11 mrâo êgao. Khua gĭt gai Đảng mñă klă bruă adôk lu, hnơ̆ng ngă bruă prŏng mơ̆ng gưl dlông truh alŭ wăl leh anăn mâo klei bi hgŭm kjăp kyua anăn Khua gĭt gai Đảng lač bruă bi hgŭm kyua sa ai tiê jing klei yuôm bhăn snăk; hlăm anăn mâo êpul mă bruă bi leh hră mơar hdră bhiăn, kơ bruă mkra mlih Hdră bhiăn phŭn, bi leh klei bhiăn mơ̆ng Đảng brei ngă êlâo kñăm mjing hdră bhiăn kjăp kơ klei hlue ngă leh anăn tŭ dưn.\