Hluê hdră anei, 7 anôk bruă ngă hră mơar knŭk kna mrâo srăng dưi mkŏ mjing hluê hdră bi mŭt dŭm să, ƀuôn hgŭm dôk mâo, rơ̆ng djăp hnơ̆ng čuăn hluê klei kčah mtrŭn kơ ênhă lehanăn ênoh mnuih. 7 êpul êya ngă hră mơar knŭk kna mrâo anăn jing: Ƀuôn hgŭm Thống Nhất, Ƀuôn hgŭm Pleiku, Ƀuôn hgŭm Diên Hồng, Ƀuôn hgŭm Hội Phú, Ƀuôn hgŭm An Phú, să Biển Hồ lehanăn să Gào.

Bruă mkŏ dăp anei dưi hluê ngă hluê si hdră tĭng dlăng kluôm klei mâo kơ hƀuê ênuk, dhar kreh, krĭng lăn lehanăn klei găl mđĭ kyar bruă duh mkra – alaƀuôn. Dŭm anôk bruă ngă hră mơar knŭk kna mrâo mâo djăp hnơ̆ng čuăn kčah mtrŭn mơ̆ng Gưl dlông kơ ênhă lehanăn ênoh mnuih. Mbĭt anăn lŏ kñăm mđĭ lar klei găl mâo mơ̆ng grăp alŭ wăl, mjing klei găl kơ hdră mđĭ kyar bruă duh mkra – ala ƀuôn, bruă lĭng kahan – răng mgang klei êđăp ênang hlăm boh klei mrâo./.