Ti anôk drông, Khua gĭt gai Đảng Tô Lâm mñă Prăng jing ala čar hgŭm hlăm EU tal êlâo mâo leh klei hgŭm kluôm dhuôm hŏng Việt Nam, brei ƀuh Việt Nam dlăng yuôm klei bi hgŭm yuôm bhăn hŏng Prăng, lehanăn akâo kơ Prăng mâo klei blŭ hlăm EU, mtrŭt klei bi hgŭm Việt Nam - EU kñăm đru mguôp kơ klei êđăp ênang, hơĭt kjăp lehanăn mđĭ kyar.

Khua gĭt gai Đảng Tô Lâm lehanăn khua bi ala knŭk kna Prăng bi tŭ ư leh lŏ hyuă kjăp hĭn klei bi hgŭm mâo leh, bi đru hlăm klei bi kƀĭn lu tĭng, lehanăn hlue ngă hdră êlan lu tĭng bi mguôp, mpŭ kơ klei bhiăn ala tač êngao, mghaih msir jih jang klei lông dlăng. Kơ boh klei êa ksĭ ngŏ, Khua bi ala knŭk kna Prăng lač, ala čar Prăng lehanăn EU sa ai hŏng klei mĭn mơ̆ng Việt Nam lehanăn ASEAN mghaih msir klei amâo mâo thâo bi djŏ hŏng klei bi blŭ hrăm, đru bi răng kriê klei êđăp ênang, hơĭt kjăp, êđăp ênang, êngiê hlăm êlan êa ti alŭ wăl./.