Khua gĭt gai Đảng Tô Lâm mñă klă hlăm wưng êgao, bruă mkŏ mjing, ƀư̆ mkra Đảng lŏ dơ̆ng dưi pŏk ngă jih hnơ̆ng, kluôm, mlih mrâo, đru mđĭ klei dưi gĭt gao, klei dưi kiă kriê leh anăn ai bi kdơ̆ng mơ̆ng Đảng. Hlăm dŭm thŭn êgao, Phŭn bruă kđi čar, Anôk dlăng bruă Đảng leh anăn gưl bruă Đảng dŭm gưl ksiêm dlăng êbeh 232 êbâo êpul bruă đảng leh anăn êbeh 1,2 êklăk čô đảng viên; klah čŭn 545 êpul bruă đảng leh anăn 4.213 čô đảng viên ngă soh.

Čiăng mđĭ boh tŭ mă bruă hlăm wưng kơ anăp, Khua gĭt gai Đảng mtă kơ dŭm gưl bruă Đảng, êpul bruă Đảng, Knơ̆ng bruă ksiêm dlăng kƀĭn hlue ngă jăk 5 bruă klam phŭn, hlăm anăn mđing mđĭ hnơ̆ng jăk, boh tŭ ksiêm dlăng, ktuê dlăng mơ̆ng grăp bruă đảng, rơ̆ng klei hriăm mjuăt, klei sa anăn, doh mngač kjăp ktang mơ̆ng Đảng.