Khua gĭt gai Đảng Tô Lâm kčưm nao čhưn truh kơ ala čar Russia
Thứ sáu, 15:17, 09/05/2025
Pô mblang: H’Nêč Êñuôl
Pô mblang: H’Nêč Êñuôl
VOV4.Êđê – Tlam mbrue 8/5 (tui si mmông alŭ wăl), Khua gĭt gai Đảng Tô Lâm mbĭt hŏng mô̆ lehanăn phung khua bi ala gưl dlông ala čar drei truh leh kơ tač êdeh phiơr Vnukovo 2, Moscow kčưm klei nao čhưn kơ ala čar Russia, lehanăn nao hlăm knăm bi hdơr 80 thŭn hrue mblah dưi răng mgang ala čar, tui si klei jak iêo mơ̆ng khua mil čhil Russia Vladimir Putin.
Hlăm klei nao čhưn, lehanăn nao hlăm knăm bi hdơr anăn. Khua gĭt gai Đảng Tô Lâm mbĭt hŏng êpul khua prŏng Việt Nam srăng mâo klei bi tuôm hŏng phung khua prŏng Russia.
Mơ̆ng anăn mjing dŭm boh kdrŭt mrâo hlăm klei hgŭm mbĭt dua nah, msĕ si kơ bruă duh mkra mnia mblei, klei duh bi liê, bruă kreh knhâo, bruă pui kmlă, kdrăp mrâo, bruă klei mĭn anak mnuih. Lŏ thiăm dŭm ai ktang mrâo čiăng bi sĭt dŭm mta kñăm mđĭ kyar dua ala čar Việt Nam – Russia, kyua klei tŭ dưn kơ mnuih ƀuôn sang dua ala čar, kyua klei êđăp ênang, hơ̆it kjăp hgŭm bruă mđĭ kyar ti alŭ wăl lehanăn tar rŏng lăn./.
Viết bình luận