Khua gĭt gai Đảng Tô Lâm klă klơ̆ng nao čuă ala mtao Angle leh anăn Dưr Ireland
Thứ ba, 10:39, 28/10/2025
VOV TAYNGUYEN
VOV TAYNGUYEN
VOV.Êđê- Aguah anei 28/10, Khua gĭt gai Đảng Tô Lâm mbĭt hŏng mô̆ ñu leh anăn êpul bi ala gưl dlông Việt Nam đuĕ leh mơ̆ng Hà Nội klă klơ̆ng nao čuă ala mtao Angle leh anăn Dưr Ireland hluê si klei iêo jak mơ̆ng Khua Knŭk kna Kier Starmer.
Gưl nao čuă mñă klă Việt Nam dlăng yuôm bruă klam, kơhưm Angle ti alŭ wăl, mbĭt anăn bi kjăp, mđĭ hnơ̆ng klei mjĕ giăm dua tĭng hlăm hdră êlan hŏng tač êngao mơ̆ng Angle leh anăn Ơrôp. Dua tĭng hmăng hmưi mtrŭt mđĭ klei bi mguôp hlăm dŭm klei kƀĭn lu tĭng, bi lar bruă klam kdrông mkŏ mơ̆ng Việt Nam hlăm klei mjĕ giăm ASean - Angle.
Anei jing gưl nao čuă tal êlâo mơ̆ng Khua gĭt gai Đảng Việt Nam truh kơ Angle leh 12 thŭn, mâo boh tŭ dưn hƀuê ênuk, bi êdah klei đăo knang plah wah 2 Knŭk kna, pŏk êlan bi mguôp klă klơ̆ng, đru ba klei mjĕ giăm Việt Nam - Angle mtrŭn agha êlam hĭn, tŭ dưn hĭn hlăm wưng kơ anăp.
Viết bình luận