Khua gĭt gai Đảng mñă klă dlông rŏng lăn dôk bi mlih hŏng hnơ̆ng ka tuôm mâo mơ̆ng klei thâo anak mnuih mkra mjing, ênoh mrô lu, kdrăp mrâo mrang, êa pui êwa čuh doh. Việt Nam dlăng klei kreh knhâo kdrăp mrâo, mlih mrâo mbruă leh anăn bi mlih mrô jing boh kdrŭt čiăng mlih mrâo gru hmô đĭ kyar.

Khua gĭt gai Đảng mtă brei mjêč pŏk ngă Hdră ngă bruă mđĭ kyar 11  kdrăp phŭn hlue si ai tiê Hdră mtrŭn 57, boh nik dŭm mta bruă bán dẫn, AI, ênoh mrô prŏng, êđăp ênang hlăm internet, mrô, kdrăp mrâo, mnơ̆ng mrâo, êa pui êwa čuh mrâo, điện tử, cảm biến, robot.  Dŭm sang hră, anôk ksiêm hriăm brei mđĭ bi mlih kdrăp mrô,đru kơ êpul ksiêm dlăng mkŏ mjing anôk bruă duh mkra, mnia blei mnơ̆ng dhơ̆ng kñăm mkŏ mjing ênuk anôk bruă duh mkra mrô đĭ kyar pral, đru ba Việt Nam mđĭ kyar ktang hlăm ênuk mrô.