Hlăm klei nao čhưn anăn, Khua gĭt gai Đảng Tô Lâm mâo leh mmông bi blŭ hrăm hŏng khua gĭt gai Lào Thongloun Sisoulith; bi blŭ hrăm hŏng khua knŭk kna Sonexay Siphandone, Khua bruă kƀĭn ala Saysomphone Phomvihane; nao čuă phung khua kiă kriê êlâo dih mơ̆ng gưl dlông Lào; nao ti anôk bi hdơr  50 thŭn hrue mkŏ mjing lăn čar, dưm kwang mnga ti knưl bi hdơr kơ phung djiê êngiă leh asei mlei, blŭ hrăm kơ hdră êlan mă bruă ti sang hră ksiêm hriăm kơ bruă kđi čar Lào; nao ti knăm mphŭn ba yua war mnga hgŭm mbĭt Lào - Việt Nam lehanăn mâo dŭm bruă mă mkăn, mđrăm mbĭt kiă kriê klei bi tuôm khua gĭt gai gưl dlông plah wah Đảng Cộng sản Việt Nam lehanăn Đảng yang ƀuôn krŭ kdơ̆ng Lào.

Ƀri gưl nao čhưn anei dua nah mâo leh klei kuôl kă hgŭm bruă yuôm bhăn, mjing klei bhiăn kơ hdră êlan bi hgŭm mrâo, năng djŏ hŏng klei mđĭ kyar ară anei, mơ̆ng grăp ala čar, lehanăn kơ klei tŭ dưn mbĭt mơ̆ng dua djuê ana, lŏ dơ̆ng mtrŭn agha êlam hĭn  hlăm klei bi mguôp dua nah Việt Nam - Lào hlăm boh klei mrâo./.