Khua gĭt gai Đảng Tô Lâm mă bruă hŏng 3 čar Lâm Đồng, Bình Thuận leh anăn Nông
Thứ ba, 09:08, 10/06/2025 Pô mblang H'Zawut Ƀuôn Yă / VOV Tây Nguyên Pô mblang H'Zawut Ƀuôn Yă / VOV Tây Nguyên
VOV4.Êđê- Aguah 6/9, ti Lâm Đồng, Khua gĭt gai Đảng Tô Lâm gĭt gai mmông mă bruă hŏng Anôk dlăng bruă Đảng čar Lâm Đồng leh anăn anôk dlăng bruă Đảng dŭm čar Bình Thuận leh anăn Dak Nông kơ boh klei pŏk ngă dŭm hdră mtrŭn, klei klah čŭn mơ̆ng Gưl dlông; bruă dăp êpul mă bruă mơ̆ng 3 alŭ wăl mguôp hŏng mkŏ mjing klei bi kƀĭn bruă đảng dŭm gưl.

Hưn hŏng Khua gĭt gai Đảng, tlâo čar gĭr pŏk ngă jăk dŭm hdră êlan prŏng mơ̆ng Gưl dlông msĕ si Hdră mtrŭn 60, Asăp mtrŭn 45, Klei klah čŭn 150… kơ klei mkŏ dăp anôk bruă knŭk kna gưl čar, bi khuăt êpul mă bruă, mprăp kơ klei bi kƀĭn bruă Đảng dŭm gưl. Dŭm hdră bi mŭt gưl čar, amâo mkŏ mjing gưl kdriêk, mkŏ mjing bruă sang čư̆ êa dua gưl dưi  pŏk ngă jăk.

Khua gĭt gai Đảng lač klă, hdră êlan bi mŭt tlâo čar čiăng mkŏ mjing čar Lâm Đồng mrâo jing hdră êlan prŏng, hdră bruă kluôm, jing klei čiăng êdi kñăm mđĭ boh tŭ dưn kriê dlăng. Bruă bi mŭt dŭm anôk bruă, mkŏ mjing brei ngă kreh knhâo, klă mngač. Brei mă knuih hdĭp, klei thâo, kơhưm, boh tŭ mă btuă jing hnơ̆ng mkă yuôm hĭn hlăm bruă dăp knuă druh. Mbĭt anăn, brei jih ai tiê mđing kơ klei dưi, hdră êlan kơ phung knuă druh hlăm klei bi khuăt êpul mă bruă, mdei hlue si klei dưi dưn, bi mlih anôk mă bruă. Djăp bruă brei ngă hŏng ai tiê klei thâo, đua klam, djŏ klei kčah mtrŭn. 

Pô mblang H'Zawut Ƀuôn Yă / VOV Tây Nguyên

Viết bình luận

TIN CÙNG CHUYÊN MỤC

Video

Bi mni kơ Awa Hô
Tiếng chuông ngân (Jingle Bells)
24/12/2024
Ru em
27/11/2024
Vi yông ‘nhă kơ ba
11/11/2024