Hlue anăn, mtă kơ Hải Phòng mđĭ gru hmô đĭ kyar mơ̆ng hnơ̆ng, kreh knhâo mrâo mrang leh anăn mlih mrâo mbruă.

 Lač klă klei mĭn, Hdră mtrŭn Klei bi kƀĭn XIV mơ̆ng Đảng, dŭm Hdră mtrŭn hdră bruă mơ̆ng Phŭn bruă kđi čar leh anăn klei kñăm đĭ kyar dua ênoh mrô brei hlue ngă jing bruă ngă klă klơ̆ng, hrăm mbĭt, mâo boh phŭn leh anăn ksiêm mkă hŏng boh tŭ klă klơ̆ng, Khua gĭt gai Đảng mtă, hdră ngă bruă mơ̆ng Hải Phòng brei hlue ngă klă klơ̆ng hĭn, wăt hnơ̆ng wưng kčah, rơ̆ng klă mnuih, klă bruă, hruê mmông, klă klei dưi, bruă klam, klă mnơ̆ng dhơ̆ng, mguôp hŏng klei bhiăn ksiêm dlăng, ktuê dlăng grăp gưl čiăng hmao mkra mlih tơdah čiăng êdi.

Khua gĭt gai Đảng Tô Lâm mñă klă, Hải Phòng brei mjing klei êdah kdlưn hlăm klei mđĭ kyar bruă tuh tia mkra mjing mrâo mrang, boh phŭn jing tuh tia mkra mjing yua kdrăp mrâo leh anăn bruă tuh tia mkra mjing mâo ênoh yuôm, mkŏ mjing wăl tuh tia mkra mjing mrâo mrang, ruah hnơ̆ng jăk pô duh bi liê, kdrăp mrâo leh anăn hdră mkăp kluôm.