Hlăm mmông mă bruă phung bi ala bi trông kơ hdră msir tă hdră mkŏ mjing 2 Hdră mtrŭn yuôm bhăn mơ̆ng gưl dlông anăn jing Hdră mtrŭn kơ klei mlih mrâo gru hmô mđĭ kyar lăn čar mơ̆ng klei kreh knhâo kdrăp mrâo, mlih mrâo mbruă, mlih mrô leh anăn Hdră mtrŭn kơ hdră msir čiăng mđĭ kyar 2 ênoh mrô mguôp hŏng klei bi mklă gru hmô đĭ kyar mrâo. Anei jing dŭm hdră bruă, yuôm bhăn leh anăn mjêč, brei mprăp hnưm čiăng pŏk ngă mtam Hdră mtrŭn Klei bi kƀĭn Đảng kluôm ala tal 14 kơ anăp. 

Khua gĭt gai Đảng Tô Lâm bi mni kơ boh tŭ ksiêm dlăng tal êlâo mơ̆ng Anôk bruă  hdră êlan leh anăn hdră bruă gưl dlông jing kluôm, mbĭt anăn tă hdră kơ dŭm klei čiăng leh anăn bruă klam hlăm wưng kơ anăp hlăm bruă mkŏ mjing 2 Hdră mtrŭn anei. Khua gĭt gai Đảng lač, anei jing êlan brei hlue ngă 2 klei kñăm 100 thŭn mơ̆ng lăn čar, mkŏ mjing sa lăn čar Việt Nam êđăp ênang, êngiê, mdrŏng sah, jăk mơak; djăp hdră êlan kơ klei đĭ kyar brei dưm hlăm klei kluôm anei.