Blŭ hlăm mmông mă bruă, Khua gĭt gai Đảng Tô Lâm mñă hlăm wưng kơ anăp čar An Giang čiăng lŏ dơ̆ng mkŏ mjing bruă Đảng čar leh anăn bruă kđi čar kpă ênô, kjap ktang, krơ̆ng kơ klei bi mguôp, hdră bhiăn čiăng mkŏ mjing tur knơ̆ng kơ klei đĭ kyar, mđĭ hĭn bruă lĭng kahan klei êđăp ênang, rơ̆ng kơ wăl hơĭt kjăp kơ sa alŭ wăl knông lăn, plao ksĭ jing anôk hdră êlan.

Bruă mđĭ kyar klei kreh knhâo mrâo mrang, mlih mrâo mbruă leh anăn mluh mrô čiăng dưi bi klă hŏng dŭm hdră êlan klă klơ̆ng, dlăng anăn jing boh kdrŭt đĭ kyar mrâo mơ̆ng čar An Giang. Mbĭt anăn, čar srăng ba yua jih hnơ̆ng ai dưi, boh nik jing mđĭ kyar bruă duh mkra êngao Knŭk kna leh anăn bi mguôp hŏng lu ala čar, čiăng mtrŭt mđĭ klei đĭ kyar pral leh anăn hơĭt kjăp.