Blŭ hrăm hŏng phung knuă druh, nai mtô, phung hriăm, lĭng kahan ti Sang hră, Khua gĭt gai Đảng Tô Lâm bi mni kơ dŭm boh tŭ mơ̆ng Sang hră dưi mâo giăm 60 thŭn êgao, êdah êdi jing bruă mjuăt bi hriăm kơ êpul kahan lehanăn ala čar lu mnuih thâo, hŏng êbeh 200 čô nai prĭn, 1.500 čô thạc sĩ, 3000 čô kỹ sư bruă lĭng kahan lehanăn sowil. Ară anei Sang hră dôk bi hriăm kơ êbeh 6000 čô.

Leh mblang klei mâo hlăm ala čar lehanăn tar rŏng lăn, Khua gĭt gai Đảng Tô Lâm lač klă, Hdră mtrŭn Klei bi kbĭn tal XIV mơ̆ng Đảng bi mklă: Mkŏ mkra êpul Lĭng kahan yang ƀuôn cách mạng, thâo, knhâo, kjăp, mrâo mrang hlăm wưng thŭn 2025 – 2030, kyua anăn hŏng bruă klam mjuăt bi hriăm mnuih mâo klei thâo, Sang hră brei mđing hluê ngă 5 hdră êlan yuôm bhăn mkăp djŏ hŏng bruă klam hlăm boh klei mrâo. Hlăm anăn, mlih mrâo mta phŭn, hdră mjuăt bi hriăm hluê hdră mrâo, klă sĭt mguôp hŏng boh sĭt, mtrŭt mđĭ hdră ñŭ kma tar rŏng lăn. Khua gĭt gai Đảng mtă, sang hră brei mtrŭt mđĭ bruă mlih mrô, mkŏ mjing sang hră ksiêm hriăm phŭn ala čar, mâo bruă klam ktrâo atăt bruă ksiêm hriăm kdrăp mrâo hlăm bruă lĭng kahan, jing anôk bruă mlih mrâo mrô sa mơ̆ng ala čar./.