Tlam 30/03, ti Hà Nội, Bruă Đảng adŭ bruă Đảng gưl dlông mkŏ mjing knăm mđup brei Medai mâo ai hŏng Êpul kahan leh anăn Anăn knăl 45 thŭn, 40 thŭn  leh anăn 30 thŭn Đảng. Bi ala kơ Đảng, Knŭk kna, Khua gĭt gai Đảng Tô Lâm mđup brei Mêdai mâo ai hŏng Êpul kahan mrô Sa leh anăn mđup brei Anăn knăl 40 thŭn Đảng kơ Phạm Minh Chính,  Khua hlăm Phŭn bruă kđi čar gưl XIII, Khua knŭk kna.

 Bi ala kơ phung mâo mă Medai mâo ai hŏng Êpul kahan leh anăn Anăn knăl Đảng. Khua knŭk kna Phạm Minh Chính bi êdah mơ̆ng leh ktưn hưn dưi dôk hlăm êpul Đảng, ñu pioh nanao klei ƀuăn yuôm bhăn sa čô Đảng viên: sĭt suôr kluôm dhuôm hŏng klei mĭn cách mạng mơ̆ng Đảng, kyua klei kñăm êngiê djuê ana mguôp hŏng yang ƀuôn ngă phŭn, kyua klei trei mđao, jăk mơak yang ƀuôn, srăng ngă bruă klam leh anăn gĭr bi leh djăp bruă klam mâo Đảng, Knŭk kna leh anăn mnuih ƀuôn sang đăp knang jao leh. Mbĭt anăn đăo knang, ti gŭ klei Đảng gĭt gai hlăm anăn jêñ jêñ jing Phŭn bruă kđi čar, Anôk dlăng bruă Đảng, mrô sa jing Khua gĭt gai Đẩng Tô Lâm, lăn čar srăng đĭ kyar êdah kdlưn kơ djăp mta, hlue ngă tŭ jing 2 klei kñăm kluôm 100 thŭn, ba lăn čar kjăp knhuang hlăm ênuk mrâo - ênuk đĭ kyar mdrŏng sah, jăk siam, čhuang mŭt truh yang ƀuôn ngă phŭn.