Khua gĭt gai Đảng bi mni, khădah mrâo mkŏ mjing, ênoh mnuih ƀiă, dôk dleh dlan, klei găn êrô plah wah dŭm plao dôk êdu kƀah, ƀiădah Thổ Châu ăt jing anôk jưh knang kjăp hlăm hlăm hdră êlan răng mgang klei hơĭt ênang ti krĭng ksĭ Yŭ kwar Dhŭng lehanăn krĭng knông lăn ala čar.

Mñă klă boh tŭ yuôm hlăm hdră lĭng kahan – răng mgang klei êđăp ênang mđrăm mbĭt hŏng klei găl mâo hdră duh mkra, Khua gĭt gai Đảng mtă kơ dŭm gưl gĭr mkŏ mjing Thổ Châu jing krĭng ksĭ đĭ kyar hơĭt kjăp mơ̆ng Việt Nam, hŏng ai tiê “Hô̆ mran mđing truh kơ krĭng ksĭ; krơ̆ng kjăp êa ksĭ, krơ̆ng kjăp mnuih ƀuôn sang, rơ̆ng klei hơĭt ênang mơ̆ng Ala čar”. Khua gĭt gai Đảng mtă kơ čar An Giang bi hgŭm hŏng dŭm phŭn, dhar bruă čuăl mkă mđĭ kyar hơĭt kjăp; mđing kơ anôk bruă êlan klông nah gŭ, krĭng ƀuôn sang dôk; boh nik mđing dlăng kơ bruă mdrao mgŭn, mjuăt bi hriăm, dhar kreh kơ mnuih ƀuôn sang, knuă druh, phung hđeh ti krĭng ksĭ taih kbưi./.