Tui si asăp jak iêo mơ̆ng Khua gĭt gai Đảng mnuih mă bruă Dưr Korea, khua gĭt gai Korea Kim Jong Un, Khua gĭt gai Đảng Cộng sản Việt Nam Tô Lâm nao čhưn kơ ala čar Dưr Korea, lehanăn nao ti anôk bi hdơr 80 thŭn hrue mkŏ mjing Đảng Mnuih mă bruă Dưr Korea mơ̆ng hrue 9 - 11/10/2025.

Hlăm klei nao čuă čhưn anei, khua kiă kriê knơ̆ng mơ̆ng dua  Đảng, dua knŭk kna srăng bi trông dŭm hdră êlan hyuă kjăp hĭn klei mđĭ kyar, ba wĭt klei tŭ dưn lehanăn klei čang hmăng mơ̆ng mnuih ƀuôn sang dua nah, djŏ guôp hŏng dŭm mta mtrŭn, đru mguôp kơ klei êđăp ênang, hơĭt kjăp lehanăn mđĭ kyar alŭ wăl lehanăn tar rŏng lăn. Dua nah bi tŭ ư kơ klei bi mjĕ êrô gưl dlông mơ̆ng Đảng lehanăn knŭk kna, lehanăn dŭm êpul êya, kñăm mđĭ klei bi thâo săng hdơ̆ng găp, lehanăn bi đru hlăm dŭm bruă dua nah dôk čiăng./.