Khua gĭt gai Đảng Tô Lâm nao čuă lehanăn mđup brei mnơ̆ng kơ mnuih ƀuôn sang hmăi amâo mâo jăk mơ̆ng angĭn êbŭ ti Huế
Thứ hai, 14:17, 03/11/2025
Pô mblang: Y-Khem Niê
Pô mblang: Y-Khem Niê
VOV.Êđê – Aguah mbrue 2/11, Khua gĭt gai Đảng Tô Lâm lehanăn êpul ngă bruă mơ̆ng gưl dlông, nao čuă lehanăn mđup brei leh mnơ̆ng kơ mnuih ƀuôn sang ƀuôn prŏng Huế boh nik hŏng mnuih ƀuôn sang tuôm hŏng klei êa lip prŏng leh êgao.
Ti ƀuôn hgŭm Quảng Điền (ƀuôn prŏng Huế) Khua gĭt gai Đảng čuă êmuh lehanăn mđĭ ai mnuih ƀuôn sang kyua klei truh tơl prŏng êdi mơ̆ng klei êa lip, brei gĭr hơĭt klei hdĭp mda.
Khua gĭt gai Đảng mñă, Đảng, Knŭk kna, dŭm êpul bruă lehanăn mnuih ƀuôn sang kluôm ala wĭr phă kwar krah, lehanăn ƀuôn prŏng Huế hŏng ai tiê thâo bi đru hla hrông hluôm hla tĭ, pral mâo klei bi đru kơ mnuih ƀuôn sang dôk găn klei êa lip. Ƀri wưng anei, khua gĭt gai Đảng Tô Lâm mđup brei leh 100 êklai prăk lehanăn 200 tôn braih kơ anôk bruă Đảng, bruă sang čư̆ êa lehanăn mnuih ƀuôn sang Huế.
Viết bình luận