80 thŭn êgao, dhar bruă bi mklă leh bruă klam hlăm klei rơ̆ng djăp mnơ̆ng ƀơ̆ng huă, răng mgang ngăn dŏ, lu mta mnơ̆ng hdĭp leh anăn hơĭt klei duh ƀơ̆ng kơ dŭm pluh êklăk čô ƀĭng lŏ hma. Mơ̆ng klei kƀah mnơ̆ng ƀơ̆ng huă, Việt Nam gĭr ktưn jing ala čar ba čhĭ mnơ̆ng dhơ̆ng lŏ hma mrô sa dlông rŏng lăn.

Bi ala kơ khua gĭt gai Đảng, Knŭk kna, Khua gĭt gai Đảng mđup brei Medai mă bruă mrô Sa kơ Phŭn bruă lŏ hma leh anăn Wăl hdĭp mda, bi mni kơ boh tŭ mâo leh êdah êdi, bi mklă dhar bruă jing kmeh gơ̆ng mơ̆ng bruă duh mkra leh anăn tur knơ̆ng mđĭ kyar kjăp. Khua gĭt gai Đảng mtă kơ kluôm dhar bruă lŏ dơ̆ng mlih mrâo mbruă, ngă bruă jăk hĭn, hnưm hlue ngă hdră êlan Đảng kơ bruă lŏ hma, ƀĭng lŏ hma, krĭng ƀuôn sang; kriê dlăng ngăn dŏ, wăl hdĭp mda, mdrơ̆ng hŏng klei bi mlih yan adiê, đru hlue ngă tŭ dưn  Hdră mtrŭn mơ̆ng Klei bi kƀĭn XIV mơ̆ng Đảng.