Mâo hŏng anei liăp 80 thŭn, hrue 15/10/1945, Khua gĭt gai Hồ Chí Minh mâo asăp mtrŭn mkŏ mjing 12 alŭ wăl lĭng kahan kiă kriê răng mgang, hlăm anăn mâo kahan alŭ wăl 4 – jing phŭn agha kơ kahan alŭ wăl 4 ară anei. Blŭ hrăm hlăm knăm anei, Khua gĭt gai Đảng Tô Lâm mñă găn leh 80 thŭn êgao rŭ mdơ̆ng, bi blah lehanăn đĭ hriê kơ prŏng, kahan alŭ wăl 4 mâo leh lu klei tŭ jing, đru mguôp yuôm bhăn hlăm klei dưi mơ̆ng klei bi blah sua wĭt klei êngiê kơ djuê ana, rŭ mdơ̆ng lehanăn răng mgang lăn čar.

Khua gĭt gai Đảng mtă kơ kahan alŭ wăl 4 lŏ dơ̆ng bi kjăp klei mĭn mơ̆ng khua gĭt gai Hồ Chí Minh hlăm bruă lĭng kahan, hdră êlan răng mgang lăn čar mơ̆ng kluôm Đảng; hyuă kjăp bruă đru čung ba mnuih ƀuôn sang, bi kjăp klei thâo bi mguôp lĭng kahan hŏng mnuih ƀuôn sang, đru mkŏ mjing ai ktang hlăm mnuih ƀuôn sang, lehanăn klei thâo bi mguôp jih jang djuê ana./.