Blŭ hrăm hlăm knăm anei, Khua gĭt gai Đảng Tô Lâm lač, ti anôk mâo bruă kăp ksiêm, tinăn mâo klei bhiăn kjăp, hdră bhiăn knŭk kna dưi mâo klei mpŭ. Anei jign klei năng myưng mơang mơ̆ng 80 thŭn hƀuê ênuk – čŏng bi klă pô, hŏng ai tiê klei mĭn kjăp mơ̆ng jih jang phung knuă druh bruă kăp ksiêm djŏ hŏng hdră êlan mơ̆ng Đảng, knŭk kna lehanăn klei čang hmăng mơ̆gn mnuih ƀuôn sang.

Khua gĭt gai Đảng mñă, bruă kăp ksiêm ară anei amâo mâo djŏ knŏng kăp dlăng ya mta anôk ka djŏ hlăm klei mă bruă, ƀiădah lŏ čuăl mkă hdr\a êlan mă bruă hŏgn klei klă mngač, mđĭ klei mlih mrâo, mgăp kjăp kơ klei hơĭt, lehanăn klei đăo knang mơ̆ng yang ƀuôn. Hŏng hdră mkă tĭng msĕ snăn, Khua gĭt gai Đảng mtă bruă kăp ksiêm lŏ dơ̆ng mlih mrâo, mguôp bruă kăp ksiêm hŏng bruă mđĭ kyar, mdưm mnuih ƀuôn sang jing pô phŭn kơ bruă kñăm, anăp truh kơ klei mkŏ mjing sa hdră êlan mă bruă kjăp tŭ jing, mă bruă kơ mnuih ƀuôn sang./.