Anei jing hruê tal êlâo mă bruă leh mkŏ dăp anôk bruă. Ti dŭm anôk nao, Khua gĭt gai Đảng bi mni kơ hdră mprăp mnuih mă bruă, anôk bruă nah gŭ truh kơ bruă ba yua kdrăp mrô hlăm klei msir mghaih bruă mă hră mơar. Hdră mă bruă mơ̆ng anôk bruă mrâo dưi mkŏ mjing hŏng klei khuăt, knuă druh msir mghaih pral klei čiăng mơ̆ng mnuih ƀuôn sang lehanăn anôk bruă duh mkra.

Khua gĭt gai Đảng mñă brei mprăp ênŭm kdrăp mnơ̆ng, amâo ngă kpăk hdră mă bruă; mtă kơ bruă knŭk kna alŭ wăl mđing kơ klei sa ai mơ̆ng mnuih ƀuôn sang ngă kiê mkă tĭng dlăng boh tŭ hdră mă bruă mơ̆ng phung knuă druh. Boh nik, să Phúc Thịnh brei mđing kơ klei bi mguôp hŏng Anôk dlăng bruă Đảng, rơ̆ng hdră mă bruă tŭ dưn, mkăp djŏ hŏng klei čiăng mơ̆ng mnuih ƀuôn sang hlăm wưng bi mlih ară anei./.