Blŭ hrăm pŏk klei bi kƀĭn Khua gĭt gai Đảng Tô Lâm tă leh mâo dua hdră pioh kơ gưl dlông ksiêm duah, đru mguôp klei blŭ. Kơ bruă mprăp kơ klei bi kƀĭn prŏng Đảng gưl dlông 14, Khua gĭt gai Đảng lač klă, ti anôk bi kƀĭn anei, Phŭn bruă kđi čarhâo mdah hŏng gưl dlông, mă klei blŭ kơ hră mdah boh tŭ dưn klei mgơ̆ng mnuih hlăm Êpul khua kiă kriê bruă Đảng gưl 14, lehanăn ngă klei mplĕ hră ruah mnuih hlăm êpul khua kiă kriê gưl dlông djŏ tui si mta mtrŭn.

Mñă anei jing bruă yuôm bhăn, mjing klei găl kơ klei bi kƀĭn mâo boh tŭ dưn hlăm klei bi kƀĭn prŏng Đảng 14, lehanăn kơ klei mđĭ kayr lăn čar hlăm wưng tianăp, Khua gĭt gai Đảng Tô Lâm mâo klei mtă:  Êjai mâo klei mgơ̆ng bi mkă dlăng djŏ hŏng ênoh čuăn, klei găl, klei dăp mnuih, ênoh čiăng kơ bruă dăp mnuih hlăm êpul khua kiă kriê gưl dlông pioh kơ klei bi kƀĭn prŏng Đảng, tui si dŭm mta mtrŭn djŏ tuôm. mđing kơ boh tŭ dưn kơ   Đảng, kơ lăn čar, kơ djuê ana jing êlâo hĭn, bi kna hnơ̆ng tui si ênoh čuăn, hdră dăp, tui si klei lŏ čuê, mâo klei hơĭt lehanăn mđĭ kyar; tui si klei dưi, lehanăn klei găl, plah wah klei truăn kơ bruă, hŏng klei mưng hlăm bruă, mâo klei thâo sĭt êmĭt, mâo kơhưm, mâo ai tiê duh myơr mơ̆ng phung knuă druh nah gŭ, mă jing giê mka./.