Klah čŭn ti anôk bi kƀĭn, Khua gĭt gai Đảng Tô Lâm bi mni kơ 5 boh tŭ dưn yuôm bhăn mơ̆ng Êpul kahan ksiêm yang ƀuôn dưi mâo hlăm wưng êgao hŏng lu hdră ngă jăk, mĭn mrâo, djŏ guôp hŏng boh sĭt bruă pŏk ngă hdră mtrŭn mơ̆ng Đảng, Knŭk kna kơ hdră đru kơ ala ƀuôn, msĕ si: Pral mkăp, tŭ mă bruă klam mdơ̆ng 15 sang hră ti dŭm čar krĭng čư̆ čhiăng, să knông lăn; ksiêm dlăng, mkŏ mjing 03 sang hră knŭk kna čiêm rông mlir gưl mtô kơ phung hđeh mâo klei hdĭp dleh dlan, phung hđeh mnuih djuê ƀiă, đru kơ Điện Biên msir lăm krĭng amâo mâo pui kmlă yua ti krĭnb mnuih djuê ana Mông.

Lač kơ hdră êlan, bruă klam hlăm wưng ti anăp, Khua gĭt gai Đảng Tô Lâm mtă, bruă Đảng kahan ksiêm gưl dlông lehanăn Phŭn bruă kahan ksiêm brei thâo săng kjăp kơ hdră răng mgang Đảng, răng mgang hdră êlan, răng mgang klei êđăp ênang ala čar hlăm wưng mrâo.