Drông Khua gĭt gai Đảng Tô Lâm mbĭt hŏng êpul bi ala gưl dlông ala čar drei truh leh ti tač êdeh phiơr mâo Khua anôk bruă lu ala čar – Anôk kriê dlăng gưl dlông bruă Đảng mnuih mă bruă Dưr Korea Kim Song Nam, Kơiăng khua Phŭn bruă hŏng tač êngao Dưr Korea Im Chon In, Pô bi ala Việt Nam ti Dưr Korea Lê Bá Vinh mbĭt hŏng phung bi ala knuă druh, mnuih mă bruă Anôk bi ala Việt Nam ti Dưr Korea.

Gưl hiu čhưn anei mơ̆ng Khua gĭt gai Đảng Tô Lâm lŏ dơ̆ng mñă klă hdră êlan hŏng tač êngao hnŭk êngiê, ngă phŭn mil pô, lu tĭng lehanăn ñŭ kma êlam hŏng tač êngao, kluôm dhuôm lehanăn tŭ dưn mơ̆ng Klei bi kƀĭn bruă Đảng kluôm ala tal 13. Hdră mtrŭn 34 mơ̆ng Phŭn bruă kđi čar kơ dŭm hdră êlan prŏng hlăm bruă hŏng tač êngao lehanăn Klei klah čŭn mơ̆ng Phŭn bruă kđi čar kơ dŭm bruă klam, hdră msir pŏk ngă bruă hŏng tač êngao mơ̆ng Klei bi kƀĭn tal 13 mơ̆ng Đảng, Hdră mtrŭn mrô 57 mơ̆ng Phŭn bruă kđi čar kơ dŭm boh kdrŭt mđĭ kyar bruă kreh knhâo – kdrăp mrâo, mlih mâo, bi mlih mrô ala čar, Hdră mtrŭn mrô 59 mơ̆ng Phŭn bruă kđi čar kơ hdră ñŭ kma hŏng ala tač êngao hlăm boh klei mrâo./.