Aguah mbruê 25/7, Knăm čang ênuh Khua gĭt gai Đảng Nguyễn Phú Trọng dưi mkŏ mjing hrăm mbĭt ti Sang čang ênuh ala čar, mrô 5 êlan Trần Thánh Tông, ƀuôn prŏng Hà Nội, Anôk bi kƀĭn Thống Nhất, ƀuôn prŏng Hồ Chí Minh leh anăn ƀuôn sang phŭn ti să Đông Hội, kdriêk Đông Anh, ƀuôn prŏng Hà Nội. Mâo leh lu êpul mơ̆ng lăn čar tač êngao hriê čang ênuh Khua gĭt gai Đảng Nguyễn Phú Trọng.

Êpul mơ̆ng Cuba mơ̆ng Khua Bruă Kƀĭn Ala Cuba Esteban Lazo Hernandez ba anăp, nao čang ênuh Khua gĭt gai Đảng Nguyễn Phú Trọng. Êlâo kơnăn, Bruă Kƀĭn Ala Cuba bi klă 2 hruê čang ênih gưl ala čar bi hdơr kơ khua gĭt gai Việt Nam.

Êpul mơ̆ng Dhŭng Korea mơ̆ng Khua knŭk kna Dhŭng Korea Han Duck Soo, pô bi ala mơ̆ng Khua mil čhil Dhŭng Korea jing khua êpul, hriê čang ênuh Khua gĭt gai Đảng Nguyễn Phú Trọng.

Êpul mơ̆ng Êpul hgŭm Ơrôp (EU) mơ̆ng pô bi ala gưl dlông klam bruă klei êđăp ênang leh anăn bruă hŏng tač êngao EU, k’iăng khua dhar bruă Ơrôp Josep Borrell hriê čang ênuh Khua gĭt gai Đảng Nguyễn Phú Trọng.