Klei hriê čuă gưl anei mơ̆ng Khua gĭt gai êpul gơ̆ng ala čar Switz bi êdah klei dlăng yuôm bhăn mơ̆ng Switz hŏng Việt Nam. Switz hmăng hmưi mđĭ hĭn klei mjĕ giăm plah wah 2 ala čar, boh nik hlăm bruă duh mkra, mnia mblei leh anăn mđing truh kơ klei gĭr bi klă Klei kuôl kă mnia mblei plah wah Việt Nam leh anăn Êpul mnia mblei êngiê Ơrôp (EFTA).

Anei jing bruă hŏng tač êngao mơ̆ng bruă kƀĭn ala yuôm bhăn mkŏ wĭt klei bi trông êpul gưl dlông plah wah 2 ala čar wưng êdei klei ruă tưp Covid-19. Hlăm gưl hriê čuă, leh knăm tŭ drông, Khua gĭt gai Êpul gơ̆ng ala čar Switz Martin Candinas blŭ hrăm hŏng Khua bruă kƀĭn ala Vương Đình Huệ, bi tuôm hŏng Khua lăn čar Võ Văn Thưởng leh anăn Khua knŭk kna Phạm Minh Chính, mă bruă hŏng Khua phŭn bruă Tuh tia Nguyễn Hồng Diên.