Khua gĭt gai Êpul hgŭm lu ala čar bi mni kơ bruă klam mơ̆ng khua gĭt gai Đảng Nguyễn Phú Trọng lehanăn čih pioh klei ñu kiă kriê, Việt Nam lŏ dơ̆ng mâo lu bruă ngă yuôm bhăn hŏng Êpul hgŭm lu ala čar. Bi ala kơ Êpul hgŭm lu ala čar, Khua gĭt gai Antonio Guterres mâo leh asăp bi juh mơĭt truh hŏng knŭk kna, hŏng mnuih ƀuôn sang Việt Nam lehanăn găp djuê Khua gĭt gai Đảng Nguyễn Phú Trọng. 

Khua kiă kriê êpul gơ̆ng bruă răng mgang klei êđăp ênang Êpul hgŭm lu ala čar gưl 78 Dennis Francis ăt bi tuôm leh mơh hŏng khua bi ala knŭk kna Việt Nam Đặng Hoàng Giang, ti Êpul hgŭm lu ala čar lehanăn mâo asăp bi juh truh hŏng knŭk kna lehanăn mnuih ƀuôn sang Việt Nam. Khua Êpul gơ̆ng mâo leh mđĭ ai kyua klei luič liê prŏng prĭn mơ̆ng mnuih ƀuôn sang Việt Nam kyua sa čô khua gĭt gai sĭt suôr, jih ai tiê kyua lăn čar./.