VOV4.Êđê- Tŭ ư klei iêo jak mơ̆ng Khua bruă kƀĭn ala Vương Đình Huệ, khua gĭt gai Hạ Viện India Om Birla ba anăp êpul bi ala Nghị Viện ala čar India klă klơ̆ng hriê čuă ala čar Việt Nam mơ̆ng hruê anei truh kơ jih hruê 21/4. Klei hriê čuă mơ̆ng khua gĭt gai Hạ Viện India truh kơ Việt Nam đru mđĭ hĭn klei bi mguôp hdră êlan kluôm ênŭm plah wah 2 ala čar, mđĭ hĭn klei bi mguôp hŏng bruă kƀĭn ala Việt Nam, lŏ dơ̆ng čuê tŭ jing klei nao čuă ala čar India thŭn 2021 mơ̆ng Khua bruă kƀĭn ala Vương Đình Huệ, bi tuôm hŏng êpul êya mnuih India dôk hdĭp mda, mnia mblei leh anăn duh bi liê ti Việt Nam.

Klei hriê čuă mơ̆ng khua gĭt gai Hạ Viện India truh kơ Việt Nam gưl anei srăng jing gru kruăk knăl yuôm bhăn kơ klei bi mguôp hdră êlan kluôm ênŭm Việt Nam – India hlăm wưng 2 ala čar dôk bi hdơr 50 thŭn hruê mkŏ mjing klei mjĕ giăm bruă hŏng tač êngao hlăm thŭn 2022.

Pô mblang: Y-Ƀel Êban