VOV4.Êđê - Aguah 29/3, Knơ̆ng bruă sang čư̆ êa čar Dak Lak mkŏ mjing hdră bi blŭ hrăm hŏng phung êdam êra kơ akŏ “phung êdam êra čar Dak Lak mphŭn čô̆ kơ bruă”. Ti anôk bi kƀĭn, phung êdam êra lač kơ lu klei blŭ êmuh kơ hdră êlan kơ phung êdam êra hlăm klei mphŭn čô̆ kơ bruă.

Boh phŭn kƀĭn kơ prăk čan, bruă mă, hriăm bruă, nao mă bruă kơ ala tač êngao, bi hriăm bruă kơ phung mă bruă krĭng ƀuôn sang; dŭm klei bhiăn, hdră êlan mjing boh kdrŭt čiăng mđĭ kyar bruă duh mkra glăm phung êdam êra, boh nik phung êdam êra mnuih djuê ƀiă, amâo jăk asei mlei… Hŏng klei blŭ, klei akâo dưi bi trông hŏng phung êdam êra, H’Yim Kđoh, K’iăng Khua Knơ̆ng bruă sang čư̆ êa čar Dak Lak mtă kơ dŭm knơ̆ng, dhar bruă lŏ dơ̆ng mâo klei ksiêm hriăm, wĭt lač hŏng hră mơar dŭm mta phŭn adôk êlâo kơ hruê 10-4.

H’Zawut pô mblang