Aguah mbrue 1/12, Khua gĭt gai Đảng Tô Lâm mbĭt hŏng mô̆ ñu, lehanăn Êpul khua prŏng ala čar drei truh leh kơ ƀuôn prŏng phŭn Vientiane, kčưm gưl mă bruă kơ ala čar Lao, nao ti anôk bi hdơr 50 thŭn hrue mkŏ mjing lăn čar yang ƀuôn Lào lehanăn mâo klei bi tuôm khua gĭt gai Đảng Cộng sản Việt Nam lehanăn Đảng Yang ƀuôn krŭ kdơ̆ng Lào. Knăm drông klă klơ̆ng Khua gĭt gai Đảng Tô Lâm mbĭt hŏng mô̆ ñu lehanăn êpul khua prŏng ala čar drei dưi mkŏ mjing kdrăm k’ah ti anôk bruă Khua lăn čar.

Khua gĭt gai Lào Thongloun Sisoulith kiă kriê knăm drông. Klei khua gĭt gai Đảng Tô Lâm jing leh gru kruak knăl yuôm bhăn mơ̆ng grăp ala čar, bi êdah leh dŭm klei đĭ kyar klei bi mguôp ayŏng adei Việt Nam - Lào, mâo leh klei bi hriăm mơ̆ng klei bi blah, găn leh lu klei lông dlăng hlăm bruă rŭ mdơ̆ng lehanăn răng mgang lăn čar mơ̆ng dua djuê ana, mơ̆ng anăn lŏ hyuă kjăp hĭn klei thâo bi mguôp. Klei khua gĭt gai Đảng Tô Lâm nao čhưn tal anei bi êdah klă klei gĭr mơ̆ng dua Đảng, dua knŭk kna hlăm bruă lŏ dơ̆ng kriê pioh, lehanăn mđĭ kyar kjăp mơ̆ng grăp ala čar lehanăn alŭ wăl.